(adsbygoogle = window.adsbygoogle || []).push({});

(adsbygoogle = window.adsbygoogle || []).push({});

تابع قراءة موضوع أقوى مريضة سرطان في مصر …تزف إلى السماء

أقوى مريضة سرطان في مصر …تزف إلى السماء

دي دكتورة ‫‏سما_التهامي‬ .. كتب كتابها المفروض يكون بكرا .. دكتورة سما من صغرها و هي تعبانة عندها صمام في القلب و عندها الكانسر .. دكتورة سما كانت بتاخد كيماوي و كانت بتتألم منه اووي كان بيجيلها دوخة و صداع و مش حاسة بطعم اي حاجة بتاكلها .. بس كانت راضية و عندها امل و تفاؤل و يقين بالله .. دكتورة سما كانت مؤمنة جدا بالله و مكنتش بتفوت صلاة و كانت بتقرأ ورد قرءاني بشكل يومي .. دكتورة سما مخطوبة لواحد مهندس اسمه امير بيحبها و مخلص ليها اوي و هي كمان بتحبه .. امير بيحبها و راضي بيها و عاوزها ب اي حال .. علي الرغم من انها شالت الرحم بسبب مرضها يعني لو اتجوزت عمرها ما هتبقي ام بس كمل معاها و عاوز يتجوزها .. علي الرغم من ان شعرها وقع و حواجبها و رموشها بسبب الكيماوي بس كان شايفها احلي و اجمل واحدة في الدنيا علشان بيحبها .. دكتورة سما المفروض كتب كتابها بكرا علي مهندس امير بس امر الله نفذ و ماتت امبارح  انا مكنتش اعرفها شخصياً بس زي ناس كتير عرفت خبر وفاتها و قصتها من علي الفيس .. و بجد قلبي وجعني عليها و زعلت عليها اوي كأني اعرفها من زمان . قد ايه كانت انسانة جميلة و صابرة و عندها امل علي الرغم من كل الوجع اللي كان فيها !! .. جايز علشان صبرها و ايمانها ربنا حب يرحمها من ألمها و ياخدها ل عالم جميل من غير وجع ‏‎
  دي قصة تخليكوا تراجعوا نفسكوا مليون مرة .. الدنيا مش مستاهلة نزعل ولا نتخانق و لا نقول اوف او ايه القرف دا علشان شوية مشاكل و خلافات تافهة .. عيشوا حياتكم و احمدوا ربنا انكوا بصحة كويسة .. بتتحركوا .. بتسمعوا ..بتتكلموا .. بتشوفوا .. مفيش حاجة بتخليكوا تتألموا .. متزعلوش حد .. متجرحوش حد .. اعملوا حاجات تخلي الناس تحبكم و تفتكركم بكل خير ..
ربنا يرحمك يا سما و يجعلك في الجنة و نعيمها رفيقة لأمهات المؤمنين ♡♡
اللهم ارحمها و اسعدها في الجنة بقدر ما تألمت في الدنيا

(adsbygoogle = window.adsbygoogle || []).push({});